Rektor/Verksemdsleiar

Skulen har ca. 350 elevar på 1.-7. trinn og ligg fint plassert i sentrum av Tau mellom Tau ungdomsskule og Strand videregående skule. Ny hovudbygning med mellom anna flotte rom til dei praktiske og estetiske faga og eit fint uteområde blei tatt i bruk hausten 2019. Skulen har fokus på lesing og eit inkluderande læringsmiljø.

Alle skulane i Strand arbeider etter felles utviklingsplan og me samarbeider tett med utdanningsregion Midt-Rogaland og Universitetet i Stavanger om lokal kompetanseutvikling.

Me søker etter ein leiar som:

- vil vidareutvikla eit trygt, varmt og inkluderande læringsmiljø

- vil leia og vidareutvikla skulen sitt profesjonsfellesskap

- vil leia og motivera medarbeidarar til samarbeid og målretta innsats til det beste for elevane

- ønskjer å vidareutvikla satsinga på lesing ved skulen

- forvaltar skulen sine samla ressursar på ein måte som sikrar god elevtilpassa undervisning

- sikrar god elevmedverknad, og eit godt samarbeid med føresette og eksterne samarbeidspartnarar

- har leiarerfaring og leiing som del av sin formelle kompetanse

Me kan tilby:

- ein jobb som gjer meining, meistring og eit profesjonelt handlingsrom

- ein spennande og utviklande jobb i ei kunnskapsbedrift med høg kompetanse

- eit aktivt pedagogisk miljø kor det blir lagt vekt på samarbeid og personleg og fagleg utvikling

- samarbeid i lokale og regionale leiarnettverk 

- gode støttefunksjonar innan fag, personal og økonomi

- ein profesjonell skuleeigar kor du blir ein del av eit større rektorkollegium med pågangsmot og godt humør

Kvalifikasjonar

-       Relevant høgare pedagogisk utdanning

-       Formell leiarutdanning

-       Skuleleiarerfaring

-       Erfaring med kvalitetsutvikling og pedagogisk utviklingsarbeid

-       Interesse for drift og økonomistyring

-       God skriftleg og munnleg framstillingsevne

Andre krav

Det blir krevd politiattest før oppstart i stillinga.